नाला / सिड नेपाल बहुउद्देश्यीय सहकारी संस्था लिमिटेडको आयोजनामा तथा शिर इमेजीङ एण्ड डाइगनोस्टिक सेन्टर प्रालिको प्राविधिक सहयोगमा चन्डेश्वरि मावि नालामा निशुल्क स्वास्थ्य शिविर सम्पन्न गरेको  छ । 
शिविरमा बनेपा नगरपालिका वडा नम्बर १ देखी ४ सम्मका १ सय ४३ जनाले स्वास्थ्य परीक्षण गराएका थिए  । स्वास्थ्य शिविरमा चिकित्सक मेडिसिन विशेषज्ञ दन्त विशेषज्ञ र फिजिसियनहरुद्वारा स्वास्थ्य जाँच तथा परामर्शका साथै निशुल्क औषधि समेत वितरण गरिएको प्रबन्धक राजन कोङ्गाले वताउनु भयो । शिबिरमा परिक्षण गर्दा थप उपचार गर्नुपर्ने अवस्थाका बिरामीहरुलाई शिर इमेजीङ एण्ड डाइगनोस्टिक सेन्टरमा परीक्षणमा २० प्रतिशत र औषधिमा १२ प्रतिशत छुट दिने व्यवस्था समेत मिलाइएको थियो  । संस्थाका अध्यक्ष रेशम नेपालीले संसथाको सामाजिक उत्तर दायित्व अन्र्तगत उक्त शिबिरको आयोजना गरिएको बताउनु भयो । संस्थाले रक्तदान, सदस्य राहत कोष, मिनिमार्ट, कृषिमा लगानी  लगाएतका थुर्पे कार्य गर्दे आएको बताउनु भयो ।