युवासँग १० प्रश्न

सबैको सोच एउटै हुँदैन

स्मारिका पन्त
मोडल तथा कलाकार
१) आजभोलिको दैनिकी कसरी बित्दैछ ?
ओहो कसरी ब्याख्या गर्नी, समयलाई यसरी व्यवस्थापन गरेको छु नि । अलि कति समय बिग्रेकी सब बिग्रिन्छ । आफ्नै कल्चरमा बिहानको एरोबिक, जुम्बा कक्षा सकेर कलेज जान्छु । बाँकी पब्लिक होलिडे र शनिवारमा चाहिँ कार्यक्रममा एंकरिङ्ग गर्ने र सुटिङमा व्यस्त हुन्छु ।
२) किन कलाकारिता क्षेत्रमा लाग्नु भो ?
मेरो सानैदेखिको चाहना हो, सानैदेखि बोकेको सपना हो पर्दा मा देखिने । जुन समाजमा घटेको हर घटनाहरु म हुबहु जस्ताको त्यस्तै नक्कल गरेर अरु माझ प्रस्तुत गर्न चाहन्थे ।
३) कलाकारिता गरेर बाँच्न सकिन्छ ?  कलाकारहरु कमाई भन्दा पनि देखावटी ज्यादा गर्छन् रे नि !
माथी उठ्न सक्यो भनी अवस्य सकिन्छ र राम्रो पनि हुन्छ । तर त्यसको लागि कलाकरिता सँगसंगै आफ्नो एउटा छुट्टै ब्यापार व्यवसाय पनि हुनु पर्छ । जसले अगाडि पुग्न सहयोग पुग्छ । अनि कमाई पनि हुन्छ । नत्र भने त्यस्तै हुन्छ कमाई कम देखावटी ज्यादा त्यसैले मैले आफैले डान्स कल्चर खोलेकी हुँ ।
४) तपाईले नृत्य साथै संगीतको कल्चर किन खोल्नुभो ? युवाहरु सिक्न खोज्छन् कि रहरमात्रै गर्छन ?
मेरो इच्छा सपना चाहाना यसैमा थियो म एउटा सफल नृत्य प्रशिक्षक बन्छु र डान्स कल्चर खोल्छु र जुन कुरा मैले सिकेकी छु त्यो ज्ञान म अरुमा पनि बाँड्न चाहन्थे । आफुमा भएको खुबीलाई आफू भित्रै लुकाएर राख्नेको कम छैन यहाँ । त्यसैले त्यो खुबी त्यो प्रतिभा बाहिर निकालेर मात्र अघि बढनु सकिन्छ भन्ने उदेश्यले नै खोलेकी हँु । यहाँ कसैको रहर मात्र हुन्छ २–४ महिना सिक्छ्न अनि छोड्छन् भने कसैले भने सिक्ने कोसिस गर्छ आफ्नो सपना पूरा गर्न ।
५) तपाई आफैलाई मनपर्ने कलाकार को हुन् ? किन ?
रेखा थापा । उहाँ पुरानो र प्रतिभा भएकी नायिका तथा अभिनेत्री हुन् । उहाँको एक्टिङ र कलाले म प्रभावित भएकी छु । 
६) कलाकारिता र मोडलैङमा बिकृति बढेको छ भन्छन नि ! महिला कलाकार किन उच्छृङ्खल पहिरन लगाउछन् ?
सबैले भन्न त त्यस्तै भन्छन् । र हुन पनि सक्ला । सबैको सोच र चाहना एउटै हुदैन । कसैलाई गुलाफ को फुल मन पर्छ त कसैलाई सयपत्री त कसैलाई लालीगुराँस । तर मेरो सोच त्यस्तो छैन । मलाई म के गर्दैछु, के गर्न हुन्छ र के गर्न हुन्न भनेर बुझ्न सक्ने क्षमता छ । किनकी हर कोहीलाई थाहा हुन्छ के सहि र के गलत भनेर ।
७) प्रेममा पर्नु भएको छ ? तपाईलाई कस्ता पुरुष आकर्षक लाग्छन् ?
अहँ छैन ।। मैले त्यो बारेमा सोचेको छैन । हा..हा..हा..। आकर्षक पुरुष ? ओहो, करियर बनायर हिंड्ने क्रममा यो सब नियाल्नी फुर्सद नै कहाँ पो छ र । चिन्ता नगर्नुहोस् यदि त्यो बरेमा सोच्ने समय भयो भनी अवस्य भन्ने छु ।  
८) कलाकारले मेक–अप र ड्रेस–अपमा किन ध्यान दिन जरुरत छ ? तपाईले मेकअपमा कुन ब्राण्डको प्रयोग गर्नुहुन्छ ?
पर्दामा आउँदाको पहिलो पोइन्ट भनेको नै ड्रेसअप र मेकअप हो, जस्ले राम्रो र अझै आकर्षक देखाउँछ । सुनमा सुगन्ध थपे जस्तै, त्यसैले यो आवश्यक छ ।
म साधारण छु र साधारण नै बन्नु मन लाग्छ त्यसैले म खासै मेकअप गर्दिनँ । अकबरी सुनलाई कसी लाउनु पर्दैन भन्छन् बुढापाकाले । यदि गरी हाले भनी आफ्नो फेसलाई सुहाउँदो प्रयोग गर्छु जस्ले पछि मलाई असर नगरोस् ।
९) प्रेम र सेक्स किन सामान्य भएको होला ?
सायद अरुको लागि सामान्य होला । खै मेरो नजरले हेर्दा त म सामान्य देख्दिन त ? र सामान्य लाग्दैन पनि। ।
१०) अन्त्यमा............
अन्त्यमा ..... सबैको सोच एउटै हुँदैन कसैको संकुचित सोच हुन्छ त कसैको खुल्ला सोच म खुल्ला सोचमा परे । मैले सबै प्रश्नको उत्तर आफ्नो सोच अनुसारले दिने कोसिस गरेको हँु कसैलाई नराम्रो लागेमा माफी चाहन्छु । धन्यवाद ।
Posted:

  • तपाईको स्वास्थ्य हाम्रो सरोकार
  • लेख/रचना
  • साताको राशिफल
  • चेष्टा क्विज
  • सुन-चाँदी
  • लोडसेडिङ तालिका
  • Weather Report

    Quick Contact

    Chardobato, Kavre, Nepal
    Tel: +977 011 662494
    Email : cheshtaweekly@yahoo.com
    info@cheshthaweekly.com.np

    -->