अन्तराष्ट्रिय

अब चन्द्रमामै बच्चा उत्पादन

विज्ञान जगतमा हरेक दिन नयाँ नयाँ खोज अनुसन्धान भैरहन्छन् । यसपटक वैज्ञानिकहरुले यस्तो आविष्कार गरेका छन् की जसका बारेमा सुन्दैमा तपाइँ आश्चर्यमा पर्नुहुनेछ ।

यहाँ पृथ्वीमै बाँच्न मुस्किल भैरहेको छ अनेक कारणले गर्दा । त्यसैले चन्द्रमामा घर गृहस्थी बसाल्ने योजना दुनियामा बनिरहेका छन् । ती मध्ये कतिपय दिवास्वप्न होलान् त कतिपयले पूरा गरेरै छाड्लान्, त्यो आफ्नो ठाउँमा छ ।

अब अन्तरीक्षमै बच्चा जन्माउने योजना समेत अघि सारिएको छ । चन्द्रमामा समेत मानिसको शुक्रकिट स्टोर गरेर सन्तान उत्पादन गर्न सकिने ठहर वैज्ञानिकहरुले गरेका छन् ।

जापानी वैज्ञानिकहरुले अन्तरीक्षको वातावरणमा स्टोर गरिएका ड्राइ फ्रिज्ड शुक्रकिटबाट स्वस्थ मुसा पैदा गर्न सफल भएका छन् ।

चन्द्रमामा शुक्रकिट बैंक

यस सफल प्रयोग पश्चात पृथ्वीभन्दा बाहिर समेत शुक्रकिटको प्रयोग गर्न सकिने कुरा सम्भव देखिएको छ । अन्तरीक्षमा आफै जिवित रहन असम्भव हुन्छ ।

अन्तराष्ट्रिय अन्तरीक्ष स्टेसनमा पृथ्वीको तुलनामा १ सय गुणा धेरै विकिरण हुन्छ । मुसाको पि|mज गरिएको ड्राइ शुक्रकिटको नमूना स्पेस स्टेशनमा नौ महिना सम्म स्टोर गरिएको थियो, त्यसपछि त्यसलाई पृथ्वीमा एक खास तापक्रममा राखियो ।

त्यसपछि उक्त शुक्रकिटबाट मुसाको डिम्बमा शेचन गराएर स्वस्थ मुसाको जन्म गराइयो ।

पृथ्वी र अन्तरीक्षबीचको यात्राका क्रममा मुसाको शुक्रकिटको डिएनएमा केही असर पुरगको थियो । तरपनि मुसा स्वस्थ नै जन्मिए ।

मुसाको जस्तै गरी मानिसको शुक्रकिट समेत अन्तरीक्ष तथा चन्द्रमामा समेत पि|mज्ड गरेर प्रजनन गराउन सकिने ठम्याई वैज्ञानिकहरुको छ । एजन्सी


प्रकाशित मिति: 01 June, 2017